100 nibo bamaze kwemezwa ko baguye mu gitero Amerika iherutse kugaba kuri Venezuela

Diosdado Cabello akaba ari Minisitiri w’Umutekano w’imbere mu gihugu muri Venezuela, yemeje ko abantu 100 baguye mu gitero cya Leta Zunze Ubumwe za Amerika cyari kigamije guta muri yombi perezida Nicolas Maduro ubwo hari ku wa Gatandatu.

Venezuela yari yirinze gutangaza umubare wabapfuye mugihe ibitangazamakuru mpuzamahanga byari byagiye bivuga imibare itandukanye, igisirikare cya Venezuela cyo  cyashyize ahagaragara urutonde rw’amazina 23 y’abasirikare bapfuye.

Amakuru akomeje kuvugwa mu gihugu cya Venezuela avuga ko umubare munini  wabari bashinzwe  umutekano wa Maduro bishwe “mu buryo bw’ubugome bukabije,” mu gihe igihugu cya  Cuba cyo cyatangaje ko hari abasirikare n’abakozi b’iperereza bakomoka muri iki gihugu bagera kuri  32 bari muri Venezuela nabo bishwe.

Cabello yavuze ko Cilia Flores, umugore wa Maduro ubwo yatabwaga muri yombi yari yakomeretse ku mutwe mu gihe Perezida Maduro we yakomerekejwe ku kaguru.

Ubuyobozi bwa Venezuela bwatangaje ko bwashyizeho icyumweru cyo kunamira abaguye mu gitero Leta Zunze Ubumwe za Amerika zagabye kuri iki gihugu.