Abagize Ihuriro RPRPD biyemeje guteza imbere imibereho myiza y’abaturage mu mwaka wa 2025/2026
Mu nama rusange y’Ihuriro ry’Abagize Inteko Ishinga Amategeko baharanira Imibereho myiza y’Abaturage n’Iterambere (RPRPD), abanyamuryango bagaragaje imyanzuro y’ibikorwa bazibandaho mu mwaka w’ingengo y’imari wa 2025/2026.
Bimwe mu byihutirwa byemejwe harimo gukurikirana ibijyanye no kwita ku buzima bw’umubyeyi n’ubw’umwana no kongera ubukangurambaga n’uburezi ku buzima bw’imyororokere, mu rwego rwo gukumira inda zitateganyijwe mu bangavu, bikomeje kubabera imbogamizi ku iterambere ryabo.
Abagize iri huriro baniyemeje gushyigikira ibikorwa bya Komite Ishinzwe gukurikirana imihindagurikire y’ibihe mu Nteko Ishinga Amategeko, kugira ngo hanashakwe ibisubizo birambye ku ngaruka z’ihidagurika ry’ibihe ku mibereho y’abaturage.
Iyi nama yagaragaje ubushake bukomeye bwo gukomeza ubuvugizi ku ngingo zireba ubuzima n’imibereho y’abaturage, hagamijwe kubaka u Rwanda ruzira amakemwa mu mibereho y’abarutuye.
By Twagirayezu Patrick
